GIRL: Yaadon ke sahare aap jeena chod do,
Zehar bhi ghamo ka peena chod do,
Marham ke liye koi aur apna Lo,
Yun tanha baith ke zakham seena chod do.
.
BOY : Aapke kehne par humne yaadon ke sahare jeena chhod diya,
Zehar bhi ghamon ka peena chod diya,
Arey hum to aapke liye Dunia chodne Ko taiyaar the,
Magar afsos apne to humein hi chod diya.
.
GIRL : Yakeen maaniye bahut majhbur hun main,
Isliye aaj aapse door hun main,
Samajh main nahi aata doshi theraun kise?,
Bas yahi kahungi ki bekasur hun main.
.
BOY : Ye chaar alfaaz majburi ke bhi kya khoob hain,
Har gunah gaar ke gunaahon ko ajad karte hain,
Hum diwane lutt kar bhi us lootere ke liye,
Usi ki khushi ki khuda se fariyaad karte hain.
